لن اخضع * الا تسمع

عدد المساهمات : 22 تاريخ التسجيل : 20/11/2013

لن اخضع ** الا تسمع

شيعي ورافضي طبعي ** ماغير ابد وضعي

الا تسمع

************

افهم يالتعادي حسين ** ابد منــــــــهاب فجارك

روافض من زمن اشور ** ويــــــنك وين افكارك

كلشي انبيعه بس منبيع ** المحبه البيهه نتشارك

عدنه العتره والقران ** عقيده وبيهـــه نتبارك

انا الصابر ** انا الثائر

لجل حسين اهل دمعي ** ماغير ابد وضعي

الا تسمع

***************

فتش عني كل ماضيك ** تلگه الثوره بس باسمي

حب حسين الي تشريف ** عنواني وصبح رسمي

چم طاغي اجه وزنديق ** ما واحد وصل يمي

شيمتكم غدر وارهاب ** واّنّه شيمتي بدمي

لن اسكُت ** فقُل ماشئت

تعرف اصلي وي فرعي ** ماغير ابد وضعي

الا تسمع

*************

نظل نلطم لبو السجاد ** تبقه الونه والعـــبره

نواسي الهادي والكرار ** نواسي فاطمه الزهره

سُنه هالدمع بالدين ** حسين العبره والعبره

اول دمعه للمختار ** هلهه بونه وبحسره

الا تدري ** بما يجري

تسحگ عالخطر ربعي ** ماغير ابد وضعي

الا تسمع

***************

شرف صار النه حب حسين ** بگلب الرافضي تربع

ظلام الليل منّه يخاف ** الگمر من دمعه ظل يلمع

بأسمه ضوت الافلاك ** الشمس لولاه ماتطلع

لان حيدر علي الكرار ** طلب من الشمس ترجع

نورُ الله ** في محياه

رسم فكري وفتح سمعي ** ماغير ابد وضعي

الا تسمع

**************

كل ظنك اعوف حسين ** وحگ حسين ماعوفه

دمه الموعظه ودستور ** عبره صارت طفوفه

لوما هالدماء اتسيل ** درب الدين منشوفه

ما اخشه قسم منهاب ** لا ناصب ولا سيوفه

فلا والله ** لن انساه

صبحلي بظلمتي شمعي ** ماغير ابد وضعي

الا تسمع

*****************

عدنه كل شهر عاشور ** ارض الطف وديعتنه

صارت كربله عنوان ** كعبتنه وشريعــــــتنه

لجل حسين نفدي الروح ** ونعلن دوم بيعــتنه

وكت الموزمه معروف ** مشهوره صنيعتنه

شهيدُ الطف ** له نزحف

للخدمه بشرف اسعي ** ماغير ابد وضعي

الا تسمع

***********